Usiku wa jana Timu ya Barcelona kutoka Hispania iliendeleza ubabe wake dhidi ya washika bunduki wa london Arsenal katika michuano ya klabu bingwa ulaya baada ya kuwafunga kwa goli 2-0.
Magoli yote yalifungwa na mchezaji bora wa dunia Lionel Messi ambaye alitupia la kwanza katika dakika ya 71 kipindi cha pili baada ya kupokea pasi nzuri kutoka kwa Neymar.
Makosa ya beki wa arsenal yaliizawadia Barcelona penati katika dakika ya 83 na Lionel messi kwa mara nyingine akapiga na kufunga penati hiyo.
Matokeo hayo yanawaweka Arsenal katika hali ngumu ya kufuzu hatua ya robo fainali ya michuano hiyo kwani wiki mbili zijazo wataenda kurudiana na Barcelona katika dimba la Nou Camp ambao ni uwanja wa nyumbani wa Barcelona.
